முக்தா சீனிவாசனின் நகைச்சுவை படம் பத்தாயிரம் கோடி

தமிழ் திரையுலகின் முன்னணி தயாரிப்பாளர் முக்தா சீனிவாசன் நீண்ட இடைவெளிக்கு பின் மீண்டும் “பத்தாயிரம் கோடி” (10,0000000000) என்ற தலைப்பில் உருவாகும் படத்தை தயாரிக்கிறார்.

மாயா கிரியேஷன் வழங்கும் இப்படத்துக்கு கதை, திரைக்கதை, வசனம் எழுதி சீனிவாசன் சுந்தர் இயக்குகிறார். இவர் முக்தா சுந்தர் என்ற பெயரில் பல படங்களை டைரக்டு செய்தவர். இதில் நாயகனாக புதுமுகம் தரு, நாயகிகளாக பல்ஜீத்கவுர், ஷீத்தல் ஆகியோர் நடிக்கின்றனர். விவேக், செல்முருகன், அல்வா வாசு, தியாகு, கோகுல் ஆகியோரும் நடிக்கிறார்கள்.

அரசியலில் நுழைந்து தரகராகி கமிஷனாக அடித்த பத்தாயிரம் கோடி ரூபாயை ரகசிய இடத்தில் பதுக்கி வைக்கிறாள் ஒரு பெண். அதை நால்வர் கொள்ளையடிக்கின்றனர். பணம் மீண்டும் அப்பெண்ணுக்கு கிடைத்ததா? கொள்ளையடித்தவர்களுக்கு பயன்பட்டதா? என்பதை முழு நீள காமெடி படமாக உருவாக்குகின்றனர்.

இசை: மனோஜ், ஒளிப்பதிவு: ராஜ்குமார், எடிட்டிங்: சுஜித், பாடல்: நிஷாந்த், ஸ்ரீதர், நடனம்: சாந்தி, ராமு, தயாரிப்பு நிர்வாகம்: சுரேஷ், தயாரிப்பு மேற்பார்வை: டி.ஆர்.வாசுதேவன்.