அனுஷ்காவின் மெளனம்! – சூப்பர் ஸ்டார் படவாய்ப்பை இழக்கின்றார்?

ரஜினி
படத்தில் நடிப்பது குறித்து இதுவரை அனுஷ்காவிடமிருந்து சம்மதம் என்ற
வார்த்தை வரவில்லை என்று கூறப்படுகிறது. இதனால் அமலா பால், ஆசின் என வேறு
சிலரையும் கோச்சடையான் யூனிட் அணுகியுள்ளதாம்.

கோச்சடையான் என்ற பெயரில் ரஜினி ஒரு புதிய படத்தில் நடிக்கப் போகிறார்.
இதில் அவருக்கு ஜோடியாக நடிக்க அனுஷ்காவை அணுகியிருப்பதாக இயக்குநர்
கே.எஸ்.ரவிக்குமார் கூறியிருந்தார். ஆனால் அனுஷ்காவிடமிருந்து இதுவரை
சம்மதம் என்ற பதவில் வரவில்லை என்று தெரிகிறது.



இதனால் தற்போது ஆசின், அமலா பால் ஆகியோரையும் கோச்சடையான் குழு
அணுகியிருப்பதாக தெரிகிறது. ஆனால் இவர்கள் அனுஷ்காவுக்குப் பதிலா அல்லது
இவ்ர்களும் படத்தில் இருப்பார்களா என்பது தெரியவில்லை.

தற்போது அனுஷ்கா கை நிறையப் படங்களை வைத்துள்ளார். தமிழிலில் நான்கு
படங்களில் அவர் புக் ஆகியிருப்பதாக கூறப்படுகிறது. செலவராகவன் இயக்கத்தில்
இரண்டாம் உலகம், விக்ரமுடன் தாண்டவம், பிறகு அஜீத்துடன் ஒரு படம் என அவர்
கால்ஷீட்களைக் கொடுத்து விட்டார். இது போக கார்த்தி நடிக்கும் படத்திலும்
அனுஷ்கா நடிக்கிறார். இப்படி கை நிறையப் படங்கள் இருப்பதாலும், கால்ஷீட்
இல்லை என்ற காரணத்தாலும் கோச்சடையான் படத்தில் நடிக்க உறுதியான பதிலை அவர்
தெரிவிக்கவில்லை என்று கூறப்படுகிறது.

ஒருவேளை ரஜினி படத்தில் நடிக்க அனுஷ்கா முடிவெடுத்தால், மேற்கண்ட
படங்களிலிருந்து அவர் விலக வேண்டும் அல்லது அனுஷ்கா ரஜினியுடன் நடித்து
விட்டு வரட்டும் என்று நான்கு படங்களின் ஹீரோக்களும், இயக்குநர்களும்
அனுஷ்காவை வழியனுப்பி வைக்க வேண்டும்.

அனுஷ்காவின் முடிவு என்ன என்பதை பொறுத்திருந்து பார்க்க வேண்டியதுதான்!