ஒஸ்திக்கு டொரொண்டோவில் அமோக வரவேற்பு

நேற்று முன்தினம் கனடா, டொரொண்டோவில் ஒஸ்தி திரைப்படம் ரசிகர்களின் அமோக
ஆதரவுடன் பிரமாண்டாக வெளியிடப்பட்டுள்ளது. ஏற்கனவே ஒஸ்திக்கு மிகப்பெரிய
எதிர்பார்ப்பு இந்தமையும் குறிப்பிடத்தக்கது. இதுவரை வெளிவந்த சிம்பு
படங்களுக்கு வெளிநாடுகளில் இருந்த வரவேற்பைவிட ஒஸ்த்திக்கு வரவேற்பு
ஒஸ்தியாக இருந்ததும் குறிப்பிடப்பவேண்டிய ஒன்றாகும்.
ஹிந்தியில் சல்மான்கான் நடித்து சுப்பர் ஹிட் அடித்த ‘டபாங்’ படம்
தமிழில் ஒஸ்தியாக வந்திருக்கின்றது. சல்மான் நடித்த வேடத்தில் சிம்பு
நடிக்க கில்லி தரணி இயக்கியிருக்கின்றார். சந்தானம், ஜித்தன் ரமேஷ், நாசர்,
ரேவதி, சரண்யா மோகன், நிழல்கள் ரவி, விஜயகுமார், விடிவி கணேஷ், தம்பி
ராமையா, வையாபுரி, மயில்சாமி என படத்தில் நட்சத்திர பட்டாளம்.



அசத்தலான போலிஸ் கெட்டப்பில் சல்மான்கானை பெருமளவு இமிடேட்
பண்ணியிருந்தாலும் சிம்பு ரசிக்க வைக்கின்றார். ஒஸ்தி மாமேன் கெட்டப்பில்
படம் முழுவதிலும் வரும் சிம்பு, சந்தானம், தம்பி ராமையா, வையாபுரி,
மயில்சாமி கூட்டணியுடன் அதகளம் பண்ணியிருக்கின்றார். குறிப்பாக சந்தாணம்
MASS க்கு கொடுக்கும் விளக்கம், மாஸ்டர் ஒஃப் ஆப்பாக இருக்கட்டும்,
இந்தமாதிரி கிளிகளெல்லாம் வசனமாகட்டும் ஒரே சரவெடி. ரிச்சா கங்கோபத்யா
படத்தின் கதாநாயகி மற்றும் சிம்புவுக்கு ஜோடி.

தமனின் இசையில் பாடல்கள் இளமை, பாடல்களுக்கு சிம்புவின் ஆட்டம் இன்னும்
இளமை. வில்லனாக வரும் சோனு சூட்டின் ஒவ்வொரு திட்டத்திற்கும் ஒஸ்தி மாமேன்
சிம்பு கொடுக்கும் பதிலடி அதிரடி. படத்தில் சண்டைக் காட்சிகள், மசாலா
படத்திற்கான கட்டாய தேவை, அதிலும் வில்லன் கூட்டத்தில் வரும் ஒருவனின்
டிங்டோணுக்கு போடும் ஆட்டம் ரசனை.

பொழுதுபோக்கு மாசாலா படத்திற்கான அனைத்து அம்சங்களும் சமகலவை, தான்
அஜித்தின் ரசிகர் என்பதை இப்படத்திலும் காட்டியிருக்கின்றார். படத்தின்
கிளைமக்ஸ்சில் சிக்ஸ் பக் வட்டத்திற்குள் வர முயற்சித்திருக்கின்றார்
சிம்பு.

மொத்தத்தில் பொழுதுபோக்குக்கு உத்தரவாதம் அளிக்கின்றது ஒஸ்தி.