சினிமா நண்பர்களுக்கு பார்ட்டி கொடுத்த ஜெனிலியா

நடிகை ஜெனிலியா-நடிகர் ரித்தேஷ் திருமண சம்பிரதாய சடங்குகள் தொடங்கவுள்ள
நிலையில் தங்களுக்கு நெருக்கமான நட்சத்திரங்களுக்கு பார்ட்டி கொடுத்து
அசத்தியிருக்கிறார்கள் ஜெனியும், ரித்தேசும். வரும் 3-ந்தேதி இந்த காதல்
ஜோடிக்கு திருமணம் நடைபெற உள்ளது. அதனைத் தொடர்ந்து 5ம்தேதி மும்பையில்
உள்ள பிரபல நட்சத்திர ஹோட்டலில் திருமண வரவேற்பு நிகழ்ச்சிகள் நடைபெறும் என
தெரிவிக்கப்பட்டுள்ளது.
மாப்பிள்ளை அழைப்பு மற்றும் மணமகள் மெகந்தி அலங்கார நிகழ்ச்சிகள் நாளை
(29ம்தேதி) தொடங்கவுள்ள நிலையில், தங்களது சினிமா நண்பர்களுக்கு
ஜெனிலியாவும் ரித்தேசும் இணைந்து பார்ட்டி கொடுத்தனர். மும்பையில் உள்ள
நட்சத்திர ஹோட்டல் ஒன்றில் நடைபெற்ற இந்த விருந்தில், பாலிவுட் நடிகைகள்
தீபிகா படுகோனே, ஜெரினாகான், நேகா துபியா, ஜியாகான், சமீராரெட்டி,
சுஷ்மாரெட்டி, பெராகான், அமிஷா படேல், நடிகர்கள் கரன்ஜோகர், ஜாயித்கான்,
சஞ்சய்தத் உள்ளிட்ட பலர் பங்கேற்றனர். அனைவரும் ஜெனிலியாவுக்கும்
ரிதேசுக்கும் வாழ்த்து தெரிவித்தனர்.