ஆல்பம் மூலம் சச்சினுக்கு பூஸ்ட் கொடுக்கிறார் தனுஷ்…!

கொலவெறி பாடல் மூலம் உலகப்புகழ் பெற்ற நடிகர் தனுஷ், இப்போது
இந்தியாவின் மாஸ்டர் பேட்ஸ்மேன், நட்சத்திர வீரர் என்று ‌போற்றப்படும்
சச்சின் டெண்டுல்கருக்காக ஒரு ஆல்பம் அமைக்க இருக்கிறார். கிரிக்கெட்டில்
எண்ணிலடங்கா சாதனைகளை படைத்தவர் சச்சின். இவர் பல நிறுவனங்களுக்கு விளம்பர
தூதராக இருந்து வருகிறார். அதிலும் குறிப்பாக பூஸ்ட் விளம்பரத்தின் தூதராக
கிட்டத்தட்ட 25 ஆண்டுகளாக இருக்கிறார். இதனை கொண்டாடும் விதமாகவும்,
சச்சினை பெருமைப்படுத்தும் விதமாகவும் ஒரு ஆல்பத்தை உருவாக்க திட்டமிட்டது
பூஸ்ட் நிறுவனம். அதை யாரிடம் கொடுத்தால் சிறப்பாக இருக்கும் என்று எண்ணிய
அந்த நிறுவனம், தனுஷை தேர்வு செய்தது.
சமீபத்தில் அவரது கொலவெறி பாடல் உலகம் முழுக்க பிரபலமானது. அதனால்
தனுஷிடம் கொடுத்தால் சிறப்பாக இருக்கும் கருதியது. அதன்படி தனுஷிடம்
அணுகியபோது அவரும் மறுக்காமல் ஓ.கே., சொல்லிவிட்டார். கொலவெறிக்கு
இசையமைத்த அனிருத் தான் இந்த ஆல்பத்திற்கும் இசையமைக்க இருக்கிறார்.

ஒன் பிளஸ் ஒன் டூ… என்று ஆரம்பிக்கும் இப்பாடல் கொலவெறி போல சூப்பர்
ஹிட்டாகும் என்று கூறுகிறார்கள். இப்போது ஐதராபாத்தில் சூட்டிங்
விறுவிறுப்பாக நடந்து வருகிறது. இந்த பாடலில் இன்னொரு விஷேசம்
என்னவென்றால், நடிகை அனுஷ்காவும் ஒரு காட்சியில் வந்து போகிறாராம்.