போரூர் அருகே நடிகர் அர்ஜுன் கட்டும் ஆஞ்சநேயர் கோவில்: விரைவில் கும்பாபிஷேகம்

நடிகர் அர்ஜுன் சொந்த செலவில் போரூர் அருகே உள்ள கெருகம்பாக்கத்தில்
ஆஞ்சநேயருக்கு கோவில் கட்டுகிறார். கட்டுமான பணிகள் பல மாதங்களாக
விறுவிறுப்பாக நடந்து வருகிறது.
இக்கோவிலில் நிர்மானிக்க ஒரே கல்லில் 28 1/2 அடி உயரம், 12 அடி
அகலத்தில் ஆஞ்சநேயர் உருவச்சிலை வடிவமைக்கப்பட்டு உள்ளது. இந்த சிலையை
பெங்களூரைச் சேர்ந்த பிரபல சிற்பி அசோக் கடிகர் செய்துள்ளார்.

160 டன் எடை கொண்ட இச்சிலை சமீபத்தில் கன்டெய்னர் லாரியில் ஏற்றி
கெருகம்பாக்கம் கொண்டு வரப்பட்டது. அச்சிலையை விரைவில் பீடத்தில் ஏற்றி
கும்பாபிஷேக விழாவை நடத்த ஏற்பாடுகள் நடக்கிறது.

இதுகுறித்து நடிகர் அர்ஜுன் கூறியதாவது:-

ஆஞ்சநேயர் சிலை 160 டன் எடையில் இருப்பதால் கொஞ்சம் கொஞ்சமாக நகர்த்தி
பீடத்தில் நிர்மானிக்கப்படும். இன்னும் ஒரு மாதத்தில் இப்பணிகள் முடிந்து
விடும். அதன்பிறகு கும்பாபிஷேக விழா நடத்தப்படும்.

சிலையை நிர்மானித்த உடன் கோவிலை சுற்றி சாலைகள், பூங்காக்கள் போன்றவை
அமைக்கப்படும். ஓரிரு மாதங்களில் அனைத்து பணிகளும் முடிந்துவிடும். அதன்
பிறகு பக்தர்கள் வழிபட அனுமதிக்கப்படுவார்கள்.