மீண்டும் சில்க் ரா‌ஜ்‌ஜியம்

சிலக் ஸ்மிதா இருந்தவரை அவர்தான் கனவுக்கன்னி. இப்போது மீண்டும் சில்க் யுகம் பிறந்துவிட்டதோ என்று தோன்றுகிறது.

தி டர்ட்டி பிக்சர் வெளிவந்த போதே சில்க் நடித்த பழைய படங்களை ‌ரீமேக்
செய்யும் வேலையை மலையாளத்தில் சிலர் முடுக்கிவிட்டனர். சில்க் நடித்தப்
படத்தின் ‌ரீமேக் என்றால் இலவச பப்ளிசிட்டி, போதாதற்கு கிளாமரையும்
வேண்டுமளவு தூவிக் கொள்ளலாம். அந்தவகையில் சில்க்கின் இணையைத்தேடி முதலான
சில படங்களின் திரைக்கதையை செப்பனிடும் வேலைகள் தொடங்கின.

இப்போது சில்க் வேடத்தில் நடித்த வித்யாபாலனுக்கு சிறந்த நடிகைக்கான
தேசிய விருது வேறு கிடைத்திருக்கிறதா… இதுதாண்டா அறுவடைக்கான நேரம் என்று
கேமராவை கையில் தூக்கிவிட்டனர். சில்க் வேடத்தில் நடிக்க நமிதா முதல்
நிகிதா வரை ஒரே போட்டா போட்டி. இதில் நிகிதாவுக்கு முதல் வெற்றி
கிட்டியிருப்பதாக மலையாள சினிமாவில் பேசிக் கொள்கிறார்கள்.