நயன்தாராவுக்கு குரல் கொடுத்த சின்மயி…!

நடிகை
நயன்தாரவுக்கு பின்னணி பாடகி சின்மயி டப்பிங் வாய்ஸ் கொடுத்துள்ளார்.
நயன்தாரா, பிரபுதேவாவை காதலித்த போது, கடைசியாக தெலுங்கில் நடித்த படம்
“ஸ்ரீ ராமராஜ்யம்”. ராமாயணத்தை மையப்படுத்தி உருவான இக்கதையில் ராமராக
தெலுங்கு நடிகர் பாலகிருஷ்ணாவும், சீதையாக நயன்தாராவும் நடித்தனர்.
சமீபத்தில் தெலுங்கில் ரிலீஸ் ஆன இப்படம் ஓரளவுக்கு நல்ல வரவேற்பை பெற்றது.
மேலும் இப்படத்திற்காக நயன்தாரா மற்றும் பாலகிருஷ்ணாவுக்கு உகாதி
புரஸ்கார் விருதும் கிடைத்தது.

இந்நிலையில் இப்படம் தமிழிலும் டப் செய்யப்பட்டு வருகிற ஏப்ரல் 13ம்
தேதி முதல் ரிலீஸ் ஆக இருக்கிறது. இதில் நயன்தாராவுக்கு பாடகி சின்மயும்,
பாலகிருஷ்ணனுக்கு பாடகர் எஸ்.பி.பாலசுப்ரமணியமும் டப்பிங் பேசியுள்ளனர்.
பாடல்களை பிறைசூடன் எழுதியுள்ளார். இளையராஜா இசையமைத்து இருக்கிறார்.