மீண்டும் “நினைத்தாலே இனிக்கும்”!?

1979ம்
ஆண்டில் வெளியான, “நினைத்தாலே இனிக்கும்” படத்தையும் எங்கேயும் எப்போதும்
என்ற பாடலையும், ரஜினி, கமல், ஜெயப்பிரதா போட்டி போட்டு வெளிப்படுத்திய
நடிப்பையும் இன்றும் நினைத்தாலே இனிக்கும்.
வெயில் காலம், மழைக்காலம் போல கோடம்பாக்கத்தில் இது ரீரிலீஸ் காலம்!!
கர்ணன், குடியிருந்த கோயில், என ரீரிலீஸ் ஜோராக நடந்து
கொண்டிருக்க…ரஜினியும் கமலும் இணைந்து நடித்தால் எப்படியிருக்கும் என்று
திரைமேல் விழி வைத்து காத்திருக்கும் லட்சோப லட்சம் ரசிகர்களுக்கு இன்னும்
விடை கிடைக்காததால், இந்த ஒரு காரணத்திற்காகவே படத்தை மீண்டும் ரிலீஸ்
செய்ய துடிக்கிறதாம், படத்தின் உலக உரிமையை வைத்திருக்கும் ராஜ் டி.வி.,.
ரிஸ்கே இல்லாமல் ரஸ்க் சாப்பிடுற விஷயமாச்சே!! என்று அரசல் புரசலாக சேதியை
தெரிந்து கொண்ட விநியோகஸ்தர்கள், இப்பவே பணத்தை மூட்டை கட்டிக் கொண்டு வர
ஆரம்பித்திருக்கிறார்களாம்!! இது தான் இன்றைய கோடம்பாக்கத்தின் சுடச்சுட
கிசுகிசு!!