விரைவில் திருமணம் : சொல்கிறார் ஜான் ஆப்பிரஹாம்!

பாலிவுட் நடிகர் ஜான் ஆப்பிரஹாம், பிபாஷா பாசுவுடனான காதல் முறிவுக்குப் பின்னர் பிரியா ரூஞ்சால் என்ற பெண்ணுடன் நெருக்கமாக பழகி வந்தார்.
ஆரம்பத்தில் வழக்கம் போல், அது வெறும் நட்பு என மூடி மறைத்து வந்த ஜான் ஒரு கட்டத்தில், ஆம் நான் பிரியாவை காதலிக்கிறேன் என உண்மையை போட்டு உடைத்தார்.
தற்போது இருவரும் திருமணத்திற்கு ஆயத்தமாகிவிட்டனர். இந்த ஆண்டு இறுதிக்குள் திருமணம் செய்து கொள்ள இருப்பதாக ஜான் ஆப்பிரஹாம் தெரிவித்துள்ளார். மேலும் தனக்கு மத நம்பிக்கை இல்லாததால் தனது திருமணம் ரிஜிஸ்டர் ஆஃபீசில் எளிமையாக நடைபெறும் என்றும் கூறியுள்ளார். ஆனால் திருமணத் தேதியை இன்னும் முடிவு செய்யவில்லை என்றார்.
காதலி பிரியாவைப் பற்றி கூறிய ஜான் : பிரியாவிடம் தான் மனம் விட்டு எதை வேண்டுமானாலும் பேச முடிகிறது. அவர் மிகவும் இனிமையான குணம் படைத்தவர், எங்களுக்குள் இது வரைக்கும் சண்டை வந்ததில்லை, ஆனால் சிறுசிறு வாக்குவாதங்கள் வந்ததுண்டு. ஆனாலும் எங்களுக்குள் அப்படி ஒரு புரிதல் இருக்கிறது என்றார்.