கர்ப்பிணி வேஷத்துக்கு காத்திருக்கும் அனுஷ்கா!

அனுஷ்காவுக்கு இப்போது கவனமெல்லாம் வித்யா பாலன் செய்யும் வேடங்கள் மீதுதான்.

அவரைப் போல தமிழிலும் போல்டான வேடங்களில் நடிக்க விரும்புகிறாராம் அனுஷ்கா.

முன்பு டர்ட்டி பிக்சர் வெளியானபோது, வித்யா பாலன் நடித்த சில்க் வேடத்தில் தான் நடிக்க விரும்புவதாகத் தெரிவித்தார். அவரது அடுத்த குறி, வித்யா பாலனின் கஹானி படத்தின் மீதுதானாம்.

விக்ரமுடன் ‘தாண்டவம்’, சூர்யாவுடன் ‘சிங்கம் 2′, ஆர்யாவுடன் ‘இரண்டாம் உலகம்’, கார்த்தியுடன் ‘அலெக்ஸ் பாண்டியன்’ என வரிசையாக படங்களில் நடித்து வரும் அவர், அடுத்து யாராவது கஹானியை தமிழில் ரீமேக் செய்தால், அதில் நடிக்க விரும்புவதாகத் தெரிவித்துள்ளார்.

வித்யா பாலன் நடிப்பில் வெளிவந்து இந்தி திரையுலகில் பெரும் வரவேற்பை பெற்ற படம் ‘ கஹானி’. நிறைமாத கர்ப்பிணி பெண் தனது கணவனைத் தேடி இந்தியா வருவது போல தொடங்கி, அந்த பெண் எப்படி தனது கணவரை கண்டுபிடிக்கிறாள் என்பதாக அந்தப் படம் போகிறது.

அனுஷ்கா ஆசைக்காகவாவது கஹானியை ரீமேக் செய்ய மாட்டார்களா என்ன?