கோச்சடையானுக்காக காத்திருக்கும் 'பில்லா 2'!

யுவன் இசையில் அஜித் நடித்த 'பில்லா'வின் பாடல்கள் வரவேற்பைப் பெற்றது. முக்கியமாக படத்தின் தீம் மியூசிக்கை அப்போது பல இளைஞர்கள் தம் செல்போனின் ரிங் டோன் ஆக்கிக் கொண்டார்கள். 'பில்லா'வைப் போலவே 'பில்லா 2' படத்தின் இசைக்கும் எதிர்பார்ப்பு நிலவி வருகிறது. 'பில்லா 2' பாடல்கள் தயாராகிக் கொண்டிருந்த போதே, அது குறித்த தகவல்கள் வெளிவந்தவண்ணம் இருந்தன. அஜித் ரசிகர்கள் மிக ஆவலாக 'பில்லா 2' பாடல்களை கேட்க காத்துக் கொண்டிருக்கிறார்கள். படத்தயாரிப்பு தரப்பில், மார்ச் மாத இறுதியில் படத்தின் பாடல் வெளியீடு நடைபெறும் என தீர்மானிக்கப்பட்டிருந்தது. ஆனால், அது இன்னும் தள்ளிப் போகக் கூடும் எனத் தெரிகிறது. அஜித்தின் 'பில்லா' படத்தினைத் துவக்கி வைத்த ரஜினிகாந்த் இப்படத்தின் பாடல் வெளியீட்டில் கலந்து கொண்டால் நன்றாக இருக்கும் என நினைக்கிறார்களாம். ஆனால், ரஜினி தன் 'கோச்சடையான்' படத்திற்காக லண்டன் செல்ல இருக்கிறார். அவர் படப்பிடிப்பு முடித்து, சென்னைக்கு அடுத்த மாதம் தான் வருகிறார். எனவே, பாடல் வெளியீட்டை அவர் வந்த பிறகு, ஏப்ரல் மாதத்திலேயே வைத்துக் கொள்ளலாம் என திட்டமிடப்படுகிறதாம். தலைவருக்காக வெயிட் பண்றதவிட தல அங்கயே போயிடலாமே.......