கே.எஸ்.ரவிக்குமார் மகள் திருமணம்! திரை நட்சத்திரங்கள் வாழ்த்து!!

டைரக்டர் கே.எஸ்.ரவிக்குமாரின் மகள் திருமணத்தில் நடிகர்கள் ரஜினிகாந்த்
உள்ளிட்ட ஏராளமான திரை நட்சத்திரங்கள் தங்களது வாழ்த்துக்களை
தெரிவித்துள்ளனர். ரஜினி, கமல், அஜித், விஜய் உள்ளிட்ட தமிழ் சினிமாவில்
முன்னணி நடிகர்களை வைத்து பல வெற்றி படங்கள‌ை இயக்கியவர்
கே.எஸ்.ரவிக்குமார். இவரது மூத்த மகள் ஜனனி. எம்.பி.ஏ., படித்து
முடித்துள்ள ஜனனிக்கும், ‌தொழிலதிபர் ரவிசேகர்-கலாவதி தம்பதியரின் மகன்
சதீஷ் குமாருக்கும் திருமணம் நிச்சயமாகி மேற்படி இவர்களது திருமணம்
இன்று(03.05.12) சென்னை மேயர் ராமநாதன் செட்டியார் மண்டபத்தில் நடந்தது.
இந்த திருமணத்திற்கு ஏராளமான திரை நட்சத்திரங்கள் நேரில் பங்கேற்று
மணமக்களை வாழ்த்தினர்‌.
நடிகர்கள் ரஜினிகாந்த், பிரபு, நாசர், கவுண்டமனி, பாண்டு, உதயநிதி
ஸ்டாலின், பிரசன்னா, நடிகைகள் சினேகா, சிம்ரன், சித்ரா, சித்தாரா,
சுஹாசினி, பழம்பெரும் நடிகைகள் கே.ஆர்.விஜயா, எம்.என்.ராஜம், வைஜெயந்தி
மாலா, டைரக்டர்கள் லிங்குசாமி, பாலாஜி சக்திவேல், பி.வாசு, மணிரத்னம்,
தயாரிப்பாளர்கள் ஆர்.பி.சவுத்ரி, ராம்குமார் உள்ளிட்ட ஏராளமான பேர் இந்த
திருமண விழாவில் பங்கேற்றனர்.