தமிழ்பேச வரும் 7ம் அறிவு டாங்லியின் ப்ளாக் டிராகன்!

7ம் அறிவு படத்தில் வில்லனாக நடித்து அசத்தியவர் ஹாலிவுட் நடிகர் டாங்லி. ஹாங்காங்கை சேர்ந்த இவர் ஹாலிவுட் படங்களிலும் நடித்துள்ளார். குங்பூ கலையில் தேர்ச்சி பெற்றவரான இவர் இப்போது முதன்முறையாக ஹீரோவாக நடித்துள்ள படம் பிளாக் டிராகன். இப்படத்தில் போலீஸ் அதிகாரியாக நடித்திருக்கும் டாங்லி கடத்தல் கும்பலை அழிக்கும் கேரக்டரில் அசத்தி இருக்கிறார். இப்படம் தமிழில் டப்பிங் செய்யப்பட்டு 7ம் அறிவு டாங்லியின் மிரட்டல் நடிப்பில் என்று போஸ்டர் ஒட்டப்பட்டு தமிழில் வெளியாக இருக்கிறது. இப்படத்தில் வரும் சண்டை காட்சிகள் பார்ப்போரை பிரமிக்க வைக்கும் விதத்தில் எடுக்கப்பட்டுள்ளனவாம். நாக் ஸ்டூடியோ இப்படத்தை தமிழில் டப்பிங் செய்து வெளியிடுகிறது. விரைவில் இப்படம் தமிழகமெங்கும் ரிலீஸ் ஆக இருக்கிறது.