பாரதிராஜா படத்தில் நடிக்க ஆசைப்பட்டேன்: சுதா சந்திரன்

சினிமாவில் சாதனை படைத்த மயூரி சுதா சந்திரன் இப்போது சின்னத்திரையில் வில்லி கதாபாத்திரத்தில் பரபரப்பாக நடித்துக் கொண்டிருக்கிறார். “கலச’த்தில் சந்​தி​ர​வாக கலக்கி,​ “அரசி’யில் வக்கீலாக வந்து தற்​போது தென்றலில் புவனாவாக வில்லத்தனம் செய்யும் மயூரி சுதா சந்​தி​ரன், தற்போது சென்னைக்கும் மும்பைக்கும் பறந்து கொண்டிருக்கிறார். தனது நீண்டகால மீடியா வாழ்க்கைப் பயணம் பற்றி அவரே கூறுகிறார் படியுங்களேன்.
​பனி​ரெண்டு வரு​டத்​திற்​குப் பிறகு தமிழ்ல நடிக்க வந்​தது ரொம்ப சந்​தோசமா இருக்கு. அப்போ நான் நடிக்​கும் போது எனக்கு சரி​யான பாத்திரங்கள் அமை​யல. படங்​கள் சரியா ஓடல. அதுல கொஞ்​சம் ஏமாற்​றமா இருந்​தது. இந்த சம​யத்​துல இந்​தி​யில வாய்ப்​பு​கள் நிறைய வந்​தது. அத​னால மும்​பை​யில போய் செட்​டில் ஆகிட்​டேன். அங்கே போய் டி.வி. சீரி​யல்,​ இந்தி படங்​கள் நிறைய நடிச்​சேன். அதன் பிறகு அங்கே பாலாஜி டெலி பிலிம்ஸ்ல ரொம்ப பிஸி​யாக இருந்​தேன்.
பாலாஜி டெலி பிலிம்ஸ்ல நடிச்​சதை பார்​துட்டு குட்டி பத்​மினி மேடம் போன் பண்ணி கல​சத்​துல நடிக்க கூப்​பிட்​டாங்க. அதே போல பிர​பு​நே​பால் சாரும் ஜெயா டிவி​யில ஒரு தொடர்ல நடிக்​கக் கூப்​பிட்​டார். அவுங்க இரண்டு பேரும்​தான் தமிழ் இண்​டஸ்ட்​ரிக்கு மறு​படி வர கார​ணம். “கல​சம்’, “அரசி’ இரண்​டும் நெகட்​டீவ் ரோல். ரொம்​பவே மேக்​கப் போட்டுக்​கிட்டு நடிச்​சேன். ராதிகா ​ மேட​மோட நடிச்​சது ரொம்ப நல்ல அனு​ப​வம். எனக்கு பார​தி​ராஜா சார் ​ படத்​துல நடிக்​க​னும் ரொம்ப நாளா ஆசை​யி​ருந்​தது. அப்போ அந்த வாய்ப்பு கிடைக்​கல. ஆனா அவ​ரோட உத​வி​யா​ளரின் தாயம் தொடரில் அந்த ஆசை நிறை​வே​றின திருப்தி. இப்போ தென்றல்ல நல்ல வேடமா கிடைச்சிருக்கு.
ரொம்ப நாள் கழிச்சு இங்க வந்​த​து​னால தமிழ் அவ்​வ​ளவா என்​னால பேச​மு​டி​யல. இப்போ லாங்​வேஜ் நல்லா செட் ஆகி​டுச்சு. நல்லா சர​ளமா தமிழ் பேசு​றேன். அது​மட்​டு​மல்ல மும்​பை​யில் இந்தி தொடர்​க​ளில் நிறைய நடித்​தில் நல்ல எக்ஸ்​பி​ரி​யன்ஸ் கிடைச்​ச​ருக்கு. ​ எனக்கு நிறைய நம்பிக்கை வந்திருக்கு. அங்​கே​யும் சரி,​ இங்​கே​யும் சரி டைரக்​டர்​கள் நல்ல சப்​போர்ட் பண்​ணாங்க. ​ எல்​லா​ரும் நல்ல எக்ஸ்​பி​ரி​யன்ஸ் டைரக்​டர்​கள் அது​னால நிறைய அனு​ப​வம் கிடைச்​சது. ​மும்​பை​யில் உள்ள ஆடி​யன்ஸ்க்​கும்,​ தமிழ் ஆடி​யன்ஸ்க்​கும் ரொம்ப வித்​தி​யா​சம் இருக்கு. அங்கே பார்த்​தீங்​கன்னா கொஞ்​சம் அதி​க​மாக மேக்​கப் போட்டு நடிக்​க​னும். ஆனால் மலை​யா​ளம்,​ தமிழ்ல எல்​லாம் ஓவர் மேக்​கப் எல்​லாம் தமிழ் கதை​கள் எல்​லாம் ஒவ்​வொரு குடும்​பத்​து​லை​யும் நடக்​கிற உண்​மை​யான கதை போல இருக்​கும். ரொம்ப ஏதார்த்​தமா இருக்​கும். இந்​தி​யில அப்​படி கிடை​யாது. இப்​போ​தான் ​ இந்தி டெலி​வி​ஷன் மாறிக்​கிட்டு வருது. ​ மெட்​ரோ​வை​விட்டு ​ நகர்ந்து கிரா​மங்​க​ளுக்​குப் போக ஆரம்​பி​தி​ருக்​கி​றார்​கள். இருந்​தா​லும் இந்​தி​யில் ஜூ​வல்​லரி,​ ஆடம்​பர சாரின்னு
எல்லாமே கொஞ்​சம் அதி​கமா இருக்​கும். ஆனால் தமி​ழில் அப்​ப​டி​யில்லை. தமிழ் ஆடி​யன்ஸை சீட் பண்ண முடி​யாது.
​நான் நடிச்சதிலையே ​ “மயூரி’ படம்​தான் என் வாழ்க்​கை​யில் மறக்​கவே முடி​யாது. அந்த மாதிரி படம் யாரும் நடிக்க மாட்​டாங்க. அப்​ப​டியே பண்​ணாக்​கூட கதை யாரைப் ​ பற்​றியோ அவுங்​களே அதில் நடிக்​கி​றது ரொம்ப கஷ்​டம். அந்த மாதிரி அமை​யாது. நான் ரொம்ப லக்கி என்​னோட வாழ்க்​கையே பட​மாக்கி அதுல நானே நடிச்​சி​ருக்​கேன். அதுக்​காக எனக்கு 1985ல தேசிய விருது கிடைச்​சது. இதை​விட பெருமை வேற எது​வுமே இல்ல என் வாழ்க்​கைல.
சமீபத்திலதான் சென்​னை​யில் வீடு வாங்​கி​னேன். இப்போ சூட்​டிங்​கிற்​காக மாதத்​தில் பதி​னைந்து,​ இரு​பது நாள் இங்​கே​தான் இருக்​கி​றேன். மும்​பை​யில டான்ஸ் ஸ்கூல் வெச்​சி​ருக்​கேன். டான்ஸ் ஸ்கூல்ல போய் உட்​கார்ந்​துட்டா மன​சுக்கு ரொம்ப நிம்​மதி கிடைக்​கும்.ரொம்ப நல்லா போய்​கிட்டு இருக்கு. ​முன்பு மும்​பை​யில் இருந்து சென்​னைக்கு வந்து கொண்​டி​ருந்​தேன். இப்போ சென்​னை​யில் இருந்து மும்​பைக்​குப் போய் வரு​கி​றேன். எனக்​குக் குழந்​தை​கள் இல்லை. என் கண​வர் ரவி​யும் நானும் தான். அவர் ​​ ​ சினிமா இன்​டஸ்ட்​ரி​யில் டைரக்​ஷன் பீல்​டு​ல​தான் இருந்​தாரு. அதுக்​குப் பிறகு கனடா போய் சில வரும் ஓர்க் பண்​ணி​கிட்டு இருந்​தாரு. இப்​போது எங்​கள் நாட்​டி​யப்​பள்​ளியை அவர்​தான் பார்​த்து ​கிட்டு இருக்​கி​றார். ப்ளைட்டுக்கு நேரமாச்சு என்று கூறிவிட்டு கிளம்பினார் சுதா சந்திரன்.