சல்லுவுக்கும், பிப்ஸுக்கும் இடையே என்ன இருக்கு?

மும்பை: தனது நீண்ட நாள் காதலன் ஜான் ஆபிரகாமைப் பிரிந்த பாலிவுட் நடிகை பிபாஷா பாசு பாலிவுட் சூப்பர் ஸ்டார் சல்மான் கானுடன் இரவு விருந்து சாப்பிட்டுள்ளார். அதாவது டின்னர் டேட்.
நீண்ட நாள் காதலனைப் பிரிந்த பாலிவுட் நடிகை பிபாஷா பாசு தனது வாழ்க்கையை புதிதாகத் துவங்க த்கக் துணையைத் தேடி வருகிறார். இந்நிலையில் கடந்த 22ம் தேதி இரவு மும்பை பந்த்ரா பகுதியில் உள்ள ஒரு ஹோட்டலில் சல்மான் கானுடன் டின்னர் டேட்டுக்கு சென்றுள்ளார். அங்கு அவர்கள் இருவரையும் ஜோடியாகப் பார்த்த 3 பேர் இந்த ரகசியத்தை மனதுக்குள் வைத்துக் கொள்ள முடியாமல் உடனே டுவிட்டரில் உலகிற்கே தம்பட்டம் அடித்துவிட்டனர்.
சல்மானின் சகோரர் சொஹைல் அலி கானின் தயாரிப்பான ஷேர் கான் படத்தில் நடிக்க பிபாஷா பாசு ஒப்பந்தம் ஆகி இருக்கலாம் என்று சிலர் கூறுகின்றனர். ஆனால் சல்மானுடன் ஜோடி சேர்ந்து நடிக்க பிபாஷாவுக்கு ஆசை. அந்த ஆசை விரைவில் நிறைவேறிவிடும் போல் உள்ளது என்றும் கூறப்படுகிறது.
இதற்கிடையே பாலிவுட்டில் உள்ள வளர்ந்து வரும் மற்றும் பெரிய நடிகைகள் என அனைவரும் சல்மானுடன் ஜோடி சேர ஆசைப்படுகிறார்கள். அப்படி இருக்கையில் பிபாஷா மட்டும் விதிவிலக்கா என்ன.
ஆனால் டின்னர் டேட்டுக்கு பின்னால் வேறு ஏதாவது காரணம் இருக்குமோ?