தமிழ் கற்பதில் டாப்சி ஆர்வம்!

“பில்லா-2 படத்தை முடித்த அதே ஜோரில், அடுத்த பாய்ச்சலுக்கு தயாராகிவிட்டார், அஜீத். தற்போது விஷ்ணுவர்தன் இயக்கத்தில், அதிரடியான ஒரு ஆக்ஷன் கதையில் நடிக்கிறார். இதில், அஜீத்தின் ஜோடியாக டாப்சி நடிக்கிறார். தமிழில், பெயர் சொல்லும் அளவுக்கு “பிசியான நடிகையான பிறகும், தமிழ் பேச முடியாமல், டாப்சி தடுமாறுவதை பார்த்ததும், அஜீத்தால் தாங்க முடியவில்லை.உடனே தமிழ் வாத்தியாராக மாறி, அம்மணி பேசும், “தங்லிஷ் மொழியை, திருத்தி சுத்தமான தமிழ் வார்த்தைகளை சொல்லித் தருகிறார். இந்த முயற்சியில், ஆர்யாவும் சேர்ந்து, டியூஷன் எடுக்கிறார். அஜீத், ஆர்யா இரண்டுபேருக்கும் நடுவே, பயபக்தியோடு உட்கார்ந்து, படப்பிடிப்பு இடைவெளியில் டாப்சி, தமிழ் கற்றுக்கொள்ளும் அழகைப் பார்த்து, படக்குழுவினர் பெருமூச்சு விடுகின்றனர்.