ஐ – சில தகவல்கள்

ஷங்கர் படமென்றால் அவசியமில்லாமல் படப்பிடிப்பில் தொலைபேச முடியாது, அரட்டைக்கும் தடை. ச‌ரியான நேரத்தில் மேக்கப்புடன் கேமரா முன் ஆஜராகியிருக்க வேண்டும். ர‌ஜினியே அப்படிதான் டிசிப்ளினை பேணினார். எனில் எமி எம்மாத்திரம்?

லண்டன் மாடலான எமி ஜாக்சன் இரவு வெகு நேரம் விழித்திருந்து ஆல்கஹால் கண்களுடன் படப்பிடிப்பில் கலந்து கொண்டிருக்கிறார். இப்படியெல்லாம் வந்தால் வேலைக்கு ஆகாது என்று நேரடியாகவே டிசிப்ளின் சாட்டையை ஷங்கர் வீசியதாக கேள்வி.

ஐ இங்கு வெளியாகும் அதேநாள் தெலுங்கிலும் வெளியாகிறது. அதற்கான வேலைகள் பரபரப்பாக நடக்கிறது. முதலாவதாக படத்தின் பெயரை பதிவு செய்திருக்கிறார்கள். ஐ-யின் சுந்தரத் தெலுங்குப் பெயர் மனோகராயுடு. அழகானவன் என்று அர்த்தமாம்.

ரஹ்மான் இசையமைக்கும் இந்தப் படத்துக்கு பி.சி.ஸ்ரீராம் ஒளிப்பதிவு செய்கிறார். சமீபத்தில் சென்னை காசிமேட்டில் இதன் படப்பிடிப்பை நடத்தியிருக்கிறார் ஷங்கர்.