பரத் படத்துக்கு சரியான தியேட்டர்கள் கிடைக்கவில்லையாம்!

பேரரசு இயக்கத்தில் பரத் நடித்துள்ள படம் திருத்தணி. வேகமாக வளர்ந்து வந்த இப்படம் பாதி கிணறு தாண்டியநேரம் பைனாஸ் பிரச்னையில் சிக்கியது. பின்னர் ஒருவழியாக கஷ்டப்பட்டு படத்தை முடித்தனர். அதோடு திரைக்கு கொண்டு வரும் முயற்சிகளும் மும்முரமாக நடந்தன. ஆனால் அந்த நேரத்தில் படத்துக்கு பைனான்ஸ் கொடுத்து சில பைனான்சியர்கள் இதுதான் தருணம் விட்டால் காசு வராது என்று தங்களுக்கு தர வேண்டிய பணத்தை பைசல் செய்து விட்டு படத்தை ரிலீஸ் செயயுமாறு செக் வைத்தனர்.

ஆனால் இப்போது அந்த பிரச்னையில் இருந்தும் திருத்தணி மீண்டு விட்டது. ஆனால் படத்தை வெளியிடுவதற்கு பெரிய தியேட்டர்கள் கிடைக்கவில்லையாம். ரசிகர்களுக்கு நன்றாக பரிட்சயமான நடிகராக இருந்தும் பரத் படத்தை நம்பி பெரிய தியேட்டர்காரர்கள் திரையிட அனுமதி தர மறுக்கிறார்களாம். இதனால் இப்போது சில முக்கிய தியேட்டர் உரிமையாளர்களிடம் பேச்சுவார்த்தை நடந்து வருகிறது.