டைரக்டர் பாலாவிடம் அடிவாங்கிய நடிகை!

முன்னணி இயக்குனர்களின் படப்பிடிப்பு தளம் என்றாலே அங்கு ஏதாவது ஒரு பரபரப்பு சம்பவங்கள் நிகழ்வதுண்டு. ஆனால் டைரக்டர் பாலா படப்பிடிப்பு நடத்தும் இடங்களில் எப்போதும் அமைதியாக இருக்கும். அந்த அளவுக்கு தொழிலில் சின்சியராக இருப்பார். ஆனால் தான் எதிர்பார்க்கிறபடி நடிகர்-நடிகைகள் யாராவது நடிக்கவில்லை என்றால் செம் டென்சனாகி விடுவார்.

அப்படித்தான் பரதேசி படத்தில் ஒரு கேரக்டரில் நடித்துள்ள சஞ்சனா என்ற நடிகை சரியானபடி நடிக்காதால் கோபத்தில் அவரது கன்னத்தை பாலாவின் கைகள் பதம் பார்த்து விட்டதாம். இருப்பினும் அந்த நடிகையிடம் அடுத்த நாள் தான் எதிர்பார்த்த நடிப்பை வரவழைத்து விட்டாராம் பாலா.

இதுபற்றி சஞ்சனா கூறுகையில், பாலா சார் பெரிய இயக்குனர். அவர் கையில் அடிவாங்குவது என்பது மோதிரக்கையில் குட்டு வாங்குவது போல்தான். அதனால் அதை நினைத்து நான் பீல் பண்ணியதே இல்லை என்கிறார் சஞ்சனா. இந்த சஞ்சனா பட்டிதொட்டி என்றொரு படத்தில் கதாநாயகியாக நடித்திருக்கிறார். ஆனால் அந்த படம் திரைக்கு வரமுடியாமல் சிக்கலில் கிடக்கிறது.