விமலை புலம்ப விட்ட படாதிபதிகள்!

களவாணி, வாகைசூடவா உள்பட பல படங்களில் நடித்த விமலுக்கு, பெரிய வியாபார வட்டம் இல்லையென்றாலும், பட்ஜெட் படங்களை நம்பியெடுக்கலாம் என்ற மினிமம் கியாரண்டி ஹீரோ என்ற பெயர் மார்க்கெட்டில் உள்ளது. இதனால் இரண்டாம் தட்டு இயக்குனர்களும், படாதிபதிகளும் அவருக்காகவே கதை ரெடி பண்ணி படமெடுத்து வருகிறார்கள்.

ஆனால் அப்படி படமெடுப்பவர்கள், ஆரம்பத்தில் அட்வான்சை தாராள மனதோடு அள்ளி விடுபவர்கள், பின்னர் அடுத்த பேமண்டை தராமல் சவ்வாக இழுக்கிறார்களாம். இன்னும் சிலரோ, பேசியது 20 லட்சம் என்றால் பத்து லட்சத்தைகூட கண்ணில் காட்டுவதில்லையாம். இதோ படத்தை ரிலீஸ் பண்ணியதும் தந்து விடுகிறேன் என்று சொல்லிவிட்டு எஸ் ஆகி விடுகிறார்களாம். இப்படி எத்தனையோ லட்சங்கள் விமலுக்கு சம்பள பாக்கியே வர வேண்டியுள்ளதாம். மீண்டும் அவர்களை தொடர்பு கொண்டு கேட்டால், அடுத்த படம் பண்ணும்போது இதையும் சேர்த்து தந்து விடுகிறேன் என்று டீலில் விடுகிறார்களாம். இந்த கதையை யாரிடம் போய் சொல்வது என்று புலம்பிக்கொண்டு திரிகிறார் விமல்.