இளையராஜா ஸ்டுடியோவுக்கு திடீர் விசிட் அடித்த ரஜினி!

நட்புக்கு மரியாதை செலுத்துவதில் சூப்பர் ஸ்டார் ரஜினியின் வழி எப்போதும் தனி வழிதான்.
ரஜினிகாந்தின் மிக நெருங்கிய நண்பரும், தெலுங்கு நடிகருமான மோகன் பாபுவின் மகள் லஷ்மி மஞ்சு தற்போது மறந்தேன் மன்னித்தேன் படத்தை தயாரித்து வருகிறார்.
இந்த படத்துக்கான் பின்னணி இசை சேர்ப்பு பணிகள் சென்னையில் நடைபெறுகிறது. இளையராஜா மேற்பார்வையில் இந்த இசை சேர்ப்பு நடந்து வருவதும், அதைப் பார்க்க மோகன் பாபு வந்துள்ளதும் ரஜினிகாந்துக்கு தெரிய வந்தது.
அடுத்த நிமிடம் தனது தனது காரை எடுத்துக் கொண்டு யாருக்கும் முன்னறிவிப்பு கொடுக்காமல் கிளம்பிவிட்டார் ரஜினிகாந்த்.
ஸ்டூடியோவில் ரஜினிகாந்த்தை பார்த்த உடன் இளையராஜா, மோகன் பாபு உள்ளிட்டோர் இன்ப அதிர்ச்சி அடைந்தனர்.
பிறகு தனது நண்பர் மோகன் பாபுவுடனும், இளையராஜாவுடனும் நீண்ட நேரம் பேசிக் கொண்டிருந்த ரஜினி, படக்குழுவினருக்கும் தனது வாழ்த்துகளைத் தெரிவித்தார்.