விஸ்வரூபம் இசைக்கு பதில் புதிய டிரைலர்! உலகநாயகனின் பிறந்தநாள் பரிசு!!

ராஜ்கமல் பிலிம்ஸ் இண்டர்நேஷனல் வழங்க, நடிகர் கமல்ஹாசன் எழுதி, இயக்கி, நடித்து, தயாரித்தும் இருக்கும் விஸ்வரூபம் படத்தின் ஆடியோவை வெகு பிரம்மாண்டமாக நாளை(நவம்பர் 7ம் தேதி) தனது பிறந்தநாளில் கோவை, மதுரை, சென்னை உள்ளிட்ட நகரங்களில் வெளியிட திட்டமிட்டு இருந்தார் உலகநாயகன் கமல்! இதற்காக படக்குழுவினரை அழைத்து செல்ல தனி ஃப்ளைட், ஹெலிகாப்டர் எல்லாம் ‌ரெடி என அடிக்கடி செய்திகள் மீடியாக்களில் வந்து கொண்டிருந்தன. அவரது பிறந்தநாளோடு ஆடியோ ரிலீஸ் நடைபெற இருந்ததால் கமல் ரசிகர்கள் உற்சாகத்தில் திழைத்து கொண்டிருந்தனர். ஆனால் இப்போது என்ன ஆயிற்றோ தெரியவில்லை! நாளை இசை வெளியீடு இல்லையாம்! மாறாக மற்றுமொரு புதிய டிரைலரை மட்டுமே ரிலீஸ் செய்கிறார்களாம்! அதுவும் எங்கு? எப்போது? எனும் விஷயம் கமலுக்கு மட்டுமே வெளிச்சம்!!