இளையராஜாவால் பாடகரான கார்த்தி

பிரியாணி படத்துக்காக கார்த்தியையும், பிரேம்ஜியையும் பாட வைத்திருக்கிறார் வெங்கட்பிரபு. யுவன் ஷங்கர் ராஜா இசையில் இந்தப் பாடல் பதிவு சமீபத்தில் நடந்தது.

தான் இயக்கும் படங்களில் ஏதாவது புதுமை செய்வது வெங்கட்பிரபுவின் வழக்கம். பிரியாணியில் மாட்டியவர் கார்த்தி. ஷூட்டிங் ஸ்பாட்டில் குஷி மூடில் இருக்கையில் இளையராஜா பாடல்களை கார்த்தி பாடிக் கொண்டிருப்பாராம். குரல் நன்றாக இருக்கிறதே, இவரையும் பாடகராக்கினால் என்ன என்று பிரேம்ஜியுடன் கோர்த்துவிட்டிருக்கிறார். அண்ணன் படத்தில் தம்பி பிரேம்ஜிக்கு வேடமும் இருக்கும் பாடலும் இருக்கும்.

பிரியாணியில் கார்த்தியும், பிரேம்ஜியும் குடித்து கும்மாளமிடும் காட்சி ஒன்று வருகிறது. அதன் தொடர்ச்சியாக ஒரு குடி பாடல். குடி பாடலுக்கு ராகம் தாளம் பல்லவி கொஞ்சம் குளறுபடியாக இருந்தாலும் யதார்த்தமாக தெரியும் என்பதால் கார்த்தியையும், பிரேம்ஜியையும் பாட வைத்திருக்கிறார் வெங்கட்பிரபு.

ஷூட்டிங் ஸ்பாட்டில் கார்த்தி இளையராஜா பாடல்களை ராகத்துடன் பாடுவதை கேட்டதாலேயே அவரை பிரியாணியில் பாட வைத்ததாக பிரேம்ஜி தெரிவித்துள்ளார்.

இளையராஜா பெயரை காப்பாத்துங்கப்பா.