ஐந்து மாத கால்ஷீட் – அள்ளிக் கொடுத்த அனுஷ்கா

தெலுங்கு, தமிழில் உருவாகும் ருத்ரம்மாதேவி படத்துக்காக ஐந்து மாதங்கள் தொடர்ச்சியாக கால்ஷீட் தந்து தயா‌ரிப்பாளர்களையும், இயக்குனர்களையும் அதிர வைத்துள்ளார் அனுஷ்கா.

சாதா ஹீரோயினாக இருந்த அனுஷ்காவை அசாதாரண ஹீரோயினாக்கிய படம் அருந்ததி. ஹீரோயின் ஓ‌ரியண்ட் படமான இது தெலுங்கில் வசூல் மழை பொழிந்தது போல் இதன் தமிழ் டப்பிங்கும் வசூலில் சக்கைப்போடு போட்டது. இந்த வெற்றிக்குப் பிறகே விஜய், விக்ரம், சூர்யா போன்ற முன்னணி நடிகர்கள் அனுஷ்காவை ஆவலுடன் ஜோடி சேர்த்தனர்.

தற்போது குணசேகர் இயக்கும் ருத்ரம்மாதேவி படத்தில் அனுஷ்கா நடிக்கிறார். இது 13ஆம் நூற்றாண்டில் நடந்த கதை. அனுஷ்கா ருத்ரம்மாதேவியாக நடிக்கிறார். பிரமாண்டமாக பெரும் பட்ஜெட்டில் தயாராகும் இந்தப் படத்தை 3டி-யில் எடுத்து வருகிறார்கள்.

அருந்ததியைவிட பிரமாண்டமான படம் என்பதாலும் தனக்கு புகழை சேர்க்கக்கூடிய படம் என்பதாலும் தொடர்ச்சியாக ஐந்து மாதங்கள் கால்ஷீட் தந்துள்ளார் அனுஷ்கா. ஒரு படத்துக்கு சமீபத்தில் எந்த ஹீரோயினும் இவ்வளவு பல்க்காக டேட்ஸ் தந்தது இல்லை என்பது முக்கியமானது.