ஷாருக்கானுக்கு சவால் விட்ட கத்ரீனா கைப்

மும்பை: பாலிவுட் நடிகை கத்ரீனா கைப் ஷாருக்கானுக்கு சவால் விட்டுள்ளார். பாலிவுட் நடிகர் ஷாருக்கானுடன் சேர்ந்து கத்ரீனா கைப் நடித்த ஜப் தக் ஹை ஜான் படம் வெற்றி பெற்றது. இந்நிலையில் பிக் ஸ்டார் என்டர்டெயின்மென்ட் விருதுகள் வழங்கும் விழாவில் சிறந்த ஜோடிக்கான விருது ஷாருக், கத்ரீனாவுக்கு கிடைத்தது. அந்த நிகழ்ச்சியில் ஷாருக் கத்ரீனாவிடம் இந்த விருது கிடைத்ததற்கு தனது டான்ஸ் திறமை தான் காரணம் என்று கூறியுள்ளார். இதைக் கேட்ட கத்ரீனா அப்படியா சொல்லவே இல்லை, வேண்டும் என்றால் நாம் இருவரும் டான்ஸ் ஆடுவோம். அப்போது யார் நன்றாக ஆடுகிறார் என்பதைப் பார்க்கலாம் என்று விளையாட்டாக தெரிவித்துள்ளார். இதைக் கேட்ட ஷாருக் சிரிக்க பதிலுக்கு கத்ரீனா சிரிக்க சவால் காமெடியாகிவிட்டது. வரும் ஜனவரி மாதம் துபாயில் நடக்கும் நிகழ்ச்சி ஒன்றில் இவர்கள் இருவரும் ஜோடியாக டான்ஸ் ஆடவிருக்கின்றனர் என்பது குறிப்பிடத்தக்கது. அந்த நிகழ்ச்சியில் ஜப் தக் ஹை ஜான் படத்தில் வரும் இஷ்க் ஷாவா என்ற பாட்டுக்கும் ஆடவிருக்கிறார்கள். சல்மானின் முன்னாள் காதலியான கத்ரீனா தற்போது ஷாருக்கின் நெருங்கிய தோழியாகிவிட்டார்.