கார்த்தி நடிக்கும் ‘சார்பட்டா பரம்பரை’: ‘அட்டக்கத்தி’ ரஞ்சித் இயக்குகிறார்

‘பருத்திவீரன்’, ‘சிறுத்தை’, ‘சகுனி’ உள்ளிட்ட பல படங்களில் நடித்தவர் நடிகர் கார்த்தி. இவர் தற்போது வெங்கட்பிரபு இயக்கும் ‘பிரியாணி’ படத்தின் படப்பிடிப்பில் பிசியாக இருக்கிறார். இப்படத்தில் இவருக்கு ஜோடியாக ஹன்சிகா மொத்வானி நடிக்கிறார்.

இப்படத்திற்கு பிறகு ‘சிவா மனசுல சக்தி’, ‘பாஸ் என்ற பாஸ்கரன்’, ‘ஒரு கல் ஒரு கண்ணாடி’ ஆகிய படங்களை இயக்கிய ராஜேஷ் இயக்கும் ‘ஆல் இன் ஆல் அழகுராஜா’ என்ற படத்தில் நடிக்கவிருக்கிறார். இப்படத்தில் இவருக்கு ஜோடியாக மீண்டும் காஜல் அகர்வால் நடிக்கிறார்.

இவ்விரு படங்களையும் தொடர்ந்து கார்த்தி ‘அட்டக்கத்தி’ படத்தை இயக்கிய ரஞ்சித் இயக்கும் புதிய படத்தில் நடிக்க ஒப்புக்கொண்டுள்ளார். அப்படத்திற்கு ‘சார்பட்டா பரம்பரை’ என்று பெயரிட்டிருக்கின்றனர். இப்படத்தினை ஸ்டூடியோ க்ரீன் நிறுவனம் தயாரிக்கிறது.

நடிகர் கார்த்தி தற்போது நடித்து முடித்திருக்கும் ‘அலெக்ஸ் பாண்டியன்’ படம் பொங்கலுக்கு வெளியாகவிருக்கிறது என்பது குறிப்பிடத்தக்கது.
நீங்கள் விரும்பக்கூடியவை...