நடனத்தில் காதல் மலர்ந்தது -டான்ஸ் மாஸ்டர் ஷோபி

சினிமா டான்ஸ் மாஸ்டர்கள் ஷோபியும், லலிதாவும் காதல் திருமணம் செய்து கொண்டனர். இது குறித்து ஷோபி நிருபர்களிடம் கூறியதாவது:-

நாங்கள் உதவி நடன இயக்குனர்களாக சேர்ந்து பணியாற்றிய போது நண்பர்களானோம். எங்கள் ஜோடி பொருத்தத்தை நண்பர்கள் பாராட்டினர். திருமணம் செய்து கொள்ளும்படியும் நிர்ப்பந்தித்தார்கள்.

இதையடுத்து பெற்றோர் சம்மதத்தோடு திருமணம் செய்து கொண்டோம். நான் 350 படங்களில் நடன இயக்குனராக பணியாற்றி விட்டேன். ‘எந்திரன்’ படத்தில் ரோபா நடனம் அமைத்தேன். நடிகைகளில் சிம்ரன் சிறப்பாக நடனம் ஆடுவார்.

திரிஷா நடனத்தின் போது முகத்தில் உணர்வுகளை வெளிப்படுத்துவார். வேதிகா நடனம் ஆடுவதில் திறமைசாலி ஜோதிகாவும் நன்றாக நடனம் ஆடக்கூடியவர். நடனப் பள்ளியும் நடத்துகிறோம்.

இவ்வாறு ஷோபி கூறினார்.