அஜீத்-விஷ்ணுவர்தன் படப்பெயர் ‘வ’-வில் ஆரம்பம்

சென்னை: விஷ்ணுவர்தன் இயக்கத்தில் அஜீத் குமார் நடிக்கும் படத்திற்கு ‘வ’ என்ற எழுத்தில் துவங்கும் வார்த்தையை தலைப்பாக வைக்கவிருக்கிறார்களாம். விஜய் இயக்கத்தில் விஜய் நடிக்கும் படத்திற்கு இத்தனை நாட்களாக பெயர் வைக்கப்படாமல் இருந்தது. இந்நிலையில் அந்த படத்திற்கு தலைவா என்று பெயர் வைத்துவிட்டனர். இதையடுத்து விஷ்ணுவர்தன் இயக்கத்தில் அஜீத் குமார் நடிக்கும் படத்திற்கு என்ன பெயர் வைக்கப் போகிறார்கள், அதை எப்பொழுது அறிவிப்பார்கள் என்ற எதிர்பார்ப்பு ஏற்பட்டுள்ளது. இந்நிலையில் அஜீத் படத்திற்கு ‘வ’ என்ற எழுத்தில் துவங்கும் பெயர் வைக்கவிருக்கிறார்கள் என்ற தகவல் கிடைத்துள்ளது. வ என்ற எழுத்தில் துவங்கிய வாலி, வில்லன் ஆகிய படங்கள் அஜீத்துக்கு பெரிய பெயர் வாங்கிக் கொடுத்தவை. அந்த வகையில் தற்போது நடிக்கும் படத்திற்கும் வ என்ற எழுத்தில் துவங்கும் பெயரை வைக்கிறார்கள் போல. அஜீத் ரசிகர்கள் இப்பொழுதே பெயரை கணிக்கத் துவங்கிவிட்டனர். சீக்கிரம் தலைப்பைச் சொல்லுங்க ‘தல’.