மீண்டும் படம் இயக்கும் தம்பி ராமையா

உ என்ற படத்தில் கதையின் நாயகனாக நடித்து வருகிறார் தம்பி ராமையா. இந்தப் படத்தின் இயக்குனர் வடிவேலைவிட தம்பி ராமையா ஒசத்தி என்று வாசித்தபோதே அபஸ்வரம் தட்டியது. படத்தின் லகான் இயக்குனர் கையில் இல்லை, முழு கன்ட்ரோல் தம்பி ராமையாவிடம்.

இந்தப் படத்தில் சூப்பர் சிங்க‌ரில் ஜெயித்த ஆ‌ஜித் என்ற பொடியன் ஒரு பாடலை பாடியதுடன் நடிக்கவும் செய்கிறான். இதுபற்றிய பிரஸ் ‌ரிலீஸில் பேசியிருப்பது எல்லாம் தம்பி ராமையா. ஆ‌ஜித்தை தேர்வு செய்தது பாட வைத்தது நடிக்க வைத்தது எல்லாமே தான்தான் என்று பேசியிருக்கிறார். அப்படியானால் இயக்குனர். . . ? செம டம்மி போலிருக்கிறது.

பெயர் போடாமல் பினாமி பெய‌ரில் ஆவர்த்தனம் காட்டும் தம்பி ராமையா இரண்டு பாயும் புலியும் ஒரு பச்சைக்கிளியும் என்ற படத்தை இயக்கப் போகிறாராம். ஒருகூடை முத்தம் என்ற பெய‌ரில் படத்தை தொடங்கி அப்படியே ஆற்றில் விட்டவ‌ரின் அடுத்த முயற்சி இந்த புலியும் கிளியும்.

கிலி கிளப்பாமல் இருந்தால் ச‌ரிதான்.