கள்ளிக்குடி அருகே லாரி கவிழ்ந்து விபத்து: மிக்சி-கிரைண்டர்கள் சேதம்

கோவையில் இருந்து மார்த்தாண்டத்துக்கு மினி லாரி ஒன்று தமிழக அரசின் இலவச மிக்சி, கிடிரைண்டர்கள், பேன்களை ஏற்றிக் கொண்டு சென்றது. மினி லாரியை சாத்தமங்கலத்தை சேர்ந்த இசக்கிமுத்து ஓட்டி சென்றார். லாரியில் 625 மிக்சி, கிரைண்டர்கள், பேன்கள் இருந்தன.

இன்று அதிகாலை மினி லாரி கள்ளிக்குடி அருகே வந்தபோது நிலைதடுமாறி ரோட்டில் கவிழ்ந்தது. இந்த விபத்தில் லாரி டிரைவர் இசக்கிமுத்து காயம் ஏதுமின்றி உயிர் தப்பினார்.

லாரி கவிழ்ந்ததில் அதில் 200 மிக்சி, கிரைண்டர்கள் மற்றும் பேன்கள் சேதம் அடைந்தன. நடுரோட்டில் லாரி கவிழ்ந்ததால் அந்த பகுதியில் போக்குவரத்து பாதிக்கப்பட்டது. உடனே கள்ளிக்குடி போலீசார் விரைந்து சென்று ரோட்டில் கவிழ்ந்து கிடந்த மினி லாரியை கிரேன் மூலம் அகற்றினர். அதன்பிறகு போக்குவரத்து சீரானது.