பிரச்சினையில் இருந்து சஞ்சய் தத் விடுபட வேண்டும் ரஜினிகாந்த் அறிக்கை

பிரச்சினையில் இருந்து சஞ்சய் தத் விடுபட வேண்டும் என்று, ரஜினிகாந்த் அறிக்கை வெளியிட்டுள்ளார்

அறிக்கை

மும்பையில் நடந்த தொடர் குண்டுவெடிப்பு வழக்கில் சஞ்சய் தத்துக்கு 5 வருட ஜெயில் தண்டனை விதிக்கப்பட்டிருக்கிறது. சஞ்சய் தத்துக்கு மன்னிப்பு வழங்கி, இந்த வழக்கில் இருந்து அவரை விடுவிக்க வேண்டுமென்று திரையுலகை சேர்ந்தவர்கள் வலியுறுத்தி வருகிறார்கள். இதுதொடர்பாக நடிகர் ரஜினிகாந்த் இன்று ஒரு அறிக்கை வெளியிட்டிருக்கிறார். அதில், அவர் கூறியிருப்பதாவது:– சஞ்சய் தத்துக்கு ஜெயில் தண்டனை விதிக்கப்பட்டிருப்பது அறிந்து, என் மனசு மிகவும் வேதனையாக உள்ளது. அவர் என் நண்பர். மிக இனிமையானவர்.

மன்னிப்பு

திரையுலகை சேர்ந்த அனைவரும் சஞ்சய் தத்துக்கு மன்னிப்பு வழங்க வேண்டுமென்று வேண்டுகோள் விடுத்தபின், எனக்கு நம்பிக்கை வந்திருக்கிறது. இந்த பிரச்சினையில் இருந்து சஞ்சய் தத் விடுபட்டு, மீதமுள்ள வாழ்க்கையை சந்தோஷமாக கழிக்கவேண்டுமென்று ஆண்டவனை வேண்டிக்கொள்கிறேன். இவ்வாறு ரஜினிகாந்த் கூறியிருக்கிறார்.