சுந்தர்சியுடன் நடிக்கவில்லை! நயன்தாரா

சுந்தர்சி படத்தில் நான் நடிக்கவில்லை; அவரிடம் கதை கேட்கவும் இல்லை என்று நடிகை நயன்தாரா கூறியுள்ளார். காதல் சர்ச்சைகளால் திரையுலகை விட்டு சில மாதங்கள் ஒதுங்கி இருந்து விட்டு மீண்டும் நடிக்க வந்துள்ள நயன்தாராவுக்கு பழைய மவுசு இன்னமும் குறையவில்லை. நயன்தாராவை வைத்து படம் எடுக்க இயக்குனர்கள் மத்தியில் போட்டா போட்டி நடக்கிறது. பெரிய ஹீரோக்களும் தங்களுடன் ஜோடி சேர்க்க ஆர்வம் காட்டுகின்றனர்.

தமிழ், தெலுங்கு உலகில் முன்னணி நடிகை அந்தஸ்தை தொடர்ந்து தக்க வைத்து வருகிறார். இந்த நிலையில் டைரக்டர் சுந்தர்சி இயக்கி, ஹீரோவாக நடிக்கும் அரண்மனை படத்தில் கதாநாயகியாக நயன்தாரா நடிக்க உள்ளதாக தகவல் வெளியானது. சுந்தர்.சி கதை சொல்லி சம்மதிக்க வைத்து விட்டார் என்றும் கூறப்பட்டது.

இதுகுறித்து நயன்தாரா அளித்துள்ள பேட்டியில், சுந்தர்.சியிடம் நான் கதை கேட்கவில்லை. அவர் படத்தில் நடிக்கப் போவதாக வெளியான செய்திகள் உண்மையானவை அல்ல. கைவசம் நிறைய படங்கள் உள்ளன. வேறு படங்களுக்கு கால்ஷீட் இல்லை, என்று கூறியுள்ளார்.