மன்மத ராசா சாயா சிங்அடுத்த ஆட்டத்துக்கு ரெடி

“திருடா திருடி படத்தில், மன்மத ராசா என்ற பாட்டுக்கு குத்தாட்டம் போட்டு, பரபரப்பை ஏற்படுத்திய, சாயா சிங்கை, ஞாபகமிருக்கிறதா? இந்த படத்துக்கு பின், தமிழில், ஒரு பெரிய ரவுண்டு வருவார் என, எதிர்பார்க்கப்பட்ட சாயா சிங்கிற்கு, அவ்வளவாக வாய்ப்பு கிடைக்கவில்லை. கன்னடம், மலையாளத்தில், ஒரு சில படங்களில் தலை காட்டினார். தமிழில் கடைசியாக,” அனந்தபுரத்து வீடு என்ற படத்தில் நடித்தார்.அதற்கு பின், ஆளையே காணவில்லை. நீண்ட இடைவெளிக்கு பின், தற்போது, “இது கதிர்வேலின் காதல் என்ற படத்தில், ஹீரோவுக்கு சகோதரியாக நடிக்க, ஒப்பந்தம் செய்யப்பட்டுள்ளார். “கதாநாயகி வேடம் கிடைக்காததால் தான், அக்கா, தங்கை வேடங்களில் நடிக்க, சம்மதித்தீர்களா என, கேட்டால், “அப்படியெல்லாம் இல்லை.

இந்தபடத்தில், எனக்கு ரொம்பவும் நல்ல கேரக்டர். இப்படிப்பட்ட ஒரு நல்ல வாய்ப்புக்காகவே, நீண்ட நாள் காத்துக் கொண்டிருந்தேன். நடிப்புக்கு முக்கியத்துவம் உள்ள படம் என்பதால், உடனடியாக, ஓ.கே., கூறினேன். இந்த படத்தின் மூலம், தமிழில் என், ரீ-என்ட்ரி, ரொம்பவும், ஸ்ட்ராங்காக இருக்கும் என, நம்புகிறேன்
என்கிறார்.