இயக்குனராகிறார் ஏ.ஆர்.ரகுமான்

“ஆஸ்கர் பரிசு பெற்ற இசையமைப்பாளர், ஏ.ஆர்.ரகுமானுக்குள், இயக்குனர் ஆசை ஒளிந்து கிடப்பது, இப்போது தான் வெளிச்சத்துக்கு வந்துள்ளது. லாஸ் ஏஞ்சல்ஸ் நகரில், இயக்குனர் பயிற்சிக்கான கோர்சை முடித்துள்ளாராம். இதுதவிர, படம் இயக்குவதற்காக, திரைக்கதையையும் தயார் செய்து வருகிறார். அவரது நண்பரும், சவுண்ட் இன்ஜினியருமான, ரசூல் பூக்குட்டி இதுகுறித்து கூறுகையில்,” ரகுமானும், நானும், படம் இயக்குவது குறித்து, நீண்ட நாள் விவாதித்துள்ளோம். இந்தியில், நான் ஒரு படம் இயக்கப் போகிறேன். இதைப் பற்றியும், இருவரும் விவாதித்துள்ளோம் என்றார். எப்படியோ, ரகுமான், படம் இயக்கப் போவது, உறுதியாகி விட்டது. அந்த படம், தமிழா, பாலிவுட் அல்லது ஹாலிவுட் படமா என்பது தான், இன்னும் உறுதியாகவில்லை.