கேன்ஸ் – வெளியேறியது பரதேசி

கேன்ஸ் திரைப்பட விழாவில் போட்டிப் பி‌ரிவில் இடம்பெறுவதாக இருந்த பரதேசி எதிர்பாராத விதமாக பின்வாங்கியுள்ளது.

பாலாவின் பரதேசியை பார்த்த பாலுமகேந்திரா, அனுராக் காஷ்யப் போன்றவர்கள் பாலாவின் படங்களிலேயே இதுதான் சிறந்தது என்று மனதார பாராட்டினர். அனுராக் காஷ்யப் ஒருபடி மேலே சென்று படத்தை வடமாநிலங்களில் இந்தி, ஆங்கில சப் டைட்டிலுடன் தனது பான்டம் நிறுவனமே வெளியிடும் என்று தெ‌ரிவித்தார்.

உலக அளவில் முதலிடத்தில் இருக்கும் கேன்ஸ் திரைப்பட விழாவில் பரதேசியை திரையிடும் முயற்சியும் மேற்கொள்ளப்பட்டது. கேன்ஸில் அளிக்கப்படும் பாம் டி ஓர் விருது ஆஸ்கரைவிட மதிப்புமிக்கது. அங்கு ஒருபடம் போட்டிப் பி‌ரிவில் தேர்வு செய்யப்படுவதே மிகப்பெ‌ரிய கௌரவமாகக் கருதப்படுகிறது.

கேன்ஸில் திரையிடப்படும் படம், படத்தை தயா‌ரித்த நாட்டில் மட்டுமே திரையிடப்பட்டிருக்க வேண்டும் (கேன்ஸில் திரையிடப்பட்ட பிறகு எங்கு வேண்டுமானாலும் திரையிடலாம்) என்று விதி உள்ளதாகவும், மார்ச் 15 பரதேசி உலகமெங்கும் வெளியாவதால் கேன்ஸ் திரைப்பட விழாவில் பங்கேற்க முடியாது எனவும் படம் சம்பந்தப்பட்டவர்கள் தெ‌ரிவித்துள்ளனர்.

கேன்ஸில் பரதேசி திரையிடப்பட்டிருந்தால் அது உலக அளவில் தமிழ்ப் படங்களின் மீது கவனத்தை ஈர்க்கும் நிகழ்வாக அமைந்திருக்கும். அந்த அ‌ரிய வாய்ப்பு தற்போது நழுவியிருக்கிறது.