கார்த்தி நடிக்கும் அலெக்ஸ் பாண்டியன் போஸ்டர்

நடிகர் கார்த்தி அடுத்து நடிக்க உள்ள அலெக்ஸ் பாண்டியன் படத்திற்கான முதல் போஸ்டர் வெளியிடப்பட்டுள்ளது. ரஜினிகாந்த் நடித்து பிரபலமான கதாபாத்திரமான அலெக்ஸ் பாண்டியன் என்ற பெயரை கார்த்தியே தேர்வு செய்துள்ளார். இப்படித்தில் கார்த்திக்கு ஜோடியாக அனுஷ்கா ஷெட்டி நடிக்கிறார்.

படப்பிடிப்பு துவங்கியுள்ளதைக் குறிக்கும் வகையிலான இந்த போஸ்டரில், ஒரு ரவுடி போன்று லுங்கியைக் கட்டிக் கொண்டுள்ள கார்த்தியின் இரண்டு கைகளிலும் இரண்டு துப்பாக்கிகள், வாயில் சிகரெட் என தோற்றமளிக்கிறார். இந்த காட்சி, தமிழ் பட ரசிகர்களுக்கு கார்த்தியின் முந்தைய படங்களான பருத்தி வீரன் மற்றும் சிறுத்தைப் படங்களை நிச்சயம் நினைவுபடுத்தும் என்பதை மறுக்க முடியாது.