கல்லூரி மாணவியாக நடிக்கிறார் ஊர்வசி

சிறந்த கதாநாயாகியாகவும், நகைச்சுவை நடிகையாகவும், குணச்சித்திர நடிகையாகவும் பெயர் வாங்கியுள்ள நடிகை ஊர்வசி புதிய படம் ஒன்றில் நடிக்க ஒப்பந்தமாகியுள்ளார். அதில் அவர் கல்லூரி மாணவியாக நடிக்கிறாராம்...

தமிழ் மற்றும் மலையாளத்தில் ஒரே நேரத்தில் எடுக்கப்பட உள்ள படம் பேச்சியக்கா மருமகன். இதற்கு மலையாளத்தில் மை டியர் மம்மி என்று பெயரிடப்பட்டுள்ளது. இயக்குநர் மாதவன் இயக்கி, தீபு ரமணன் தயாரிப்பில் உருவாகும் இந்த படத்தில் நடிக்க ஊர்வசி ஒப்புக் கொண்டதே பெரிய விஷயம் என்கிறது படக்குழு.

ஊர்வசியின் கதாபாத்திரம் நிச்சயம் அனைவருக்கும் பிடிக்கும் வகையில் இருக்கும். அவரும், இப்படத்தில் நடிக்க ஆவலுடன் இருக்கிறார் என்று நம்மிடம் கூறுகிறார்கள் படக்குழுவினர்.