ரீமாசென் காதல் திருமணம்

திரைப்பட நடிகை ரீமா சென் - அவரது காதலர் கரன் சிங் திருமணம் புதுடெல்லியில் நேற்று வெகுச் சிறப்பாக நடைபெற்றது.

மின்னலே திரைப்படம் மூலம் தமிழ் சினிமாவில் அறிமுகமான ரீமா சென், டெல்லியில் உள்ள ஓட்டல் அதிபர் ஷிவ்கரன் சிங்கை கடந்த 2 ஆண்டுகளாக காதலித்து வந்தார்.

இரு வீட்டார் சம்மதத்துடன் திருமண நிச்சயதார்த்தம் நடந்து முடிந்த நிலையில், டெல்லியில் நேற்று மாலை 3 மணிக்கு ரீமா சென்னுக்கும், ஷிவ் கரன்சிங்கிற்கும் திருமணம் நடந்தது.

இவர்களது திருமண நிகழ்ச்சியில், ஷ்ரேயா, சோனியா அகர்வால் உள்ளிட்ட பல நடிகர், நடிகைகள், பாடகர்கள் என திரையுலகத்தினர் பலர் கலந்து கொண்டனர்.

திருமணத்திற்கு பிறகும் நடிப்பதை தொடருவேன் என்று கூறியுள்ளார் ரீமா சென்.