பாலாவின் பரதேசியில் அதர்வா

இருட்டில் உள்ள நிஜங்களை படம் பிடித்து காட்டும் பெருமை பாலாவையே சாரும். தேசிய விருது பெற்ற இயக்குநர்கள் வரிசையில் உள்ள பாலா அடுத்து எடுக்கவிருக்கும் படத்திற்கு எரியும் தணல் என்று பெயர் வைத்திருந்தார்.

ஆனால் தற்போது அப்பெயரை மாற்றி பரதேசி என்று வைத்துள்ளார். தனது கதைக்கு இந்த பெயர்தான் மிகச் சரியாக பொருந்துவதாகவும் அவர் கூறியுள்ளார்.

இப்படத்தில் அதர்வா - வேதிகா ஆகியோர் நடிக்கின்றனர். இப்படத்தின் திரைக்கதையில் எழுத்தாளர் ஜெயமோகன் உதவி செய்கிறார். இவர் ஏற்கனவே நான் கடவுள் படத்தில் பாலாவிற்கு உதவியவர் என்பது குறிப்பிடத்தக்கது.

ஆனாலும், பாலாவின் படத்திற்கு பெயர் மாற்றப்பட்டுள்ளது குறித்து இதுவரை எந்த அதிகாரப்பூர்வ தகவலும் வெளியாகவில்லை என்பது குறிப்பிடத்தக்கது.