ஐபிஎல் ஆல்பம் வெளியீடு

இந்தியாவில் கிரிக்கெட்டிற்கும், சினிமாவிற்கும் எப்போதுமே மக்கள் மத்தியில் ஆர்வம் குறைந்ததில்லை. அந்த வகையில், கிரிக்கெட் வீரர்கள் விளம்பரப் படத்திலும், சினிமாவிலும் நடிப்பதும், சினிமா நட்சத்திரங்கள் கிரிக்கெட் போட்டிகளை நடத்துவதும் உண்டு.

தற்போது மேலும் இவ்விரு பொழுதுபோக்கு அம்சங்களும் ஒன்றுக்கொன்று நெருங்கி வரும் வகையில், வரவுள்ள ஐபிஎல் போட்டிக்கான ஆல்பத்தை நடிகர் விஷால் தலைமையிலான சென்னை ரிஹினோ அணி வெளியிட்டுள்ளது.

வா மச்சான் வா என்ற பாடலுடன் வெளியாகியுள்ளது இந்த ஆல்பம். விஷால், விக்ராந்த், ரமணா, விஷ்ணு, ஜித்தன் ரமேஷ், ரிஷி, சாந்தனு, பிரித்வி உட்பட ரிஹினோ அணியினர் இந்த ஆல்பத்தை நேற்று வெளியிட்டுள்ளனர்.

சென்னை சூப்பர் கிங்ஸ் அணியை உற்சாகப்படுத்தும் வகையில் இந்த பாடல் அமைந்திருக்கும் என்று விஷால் கூறினார்.