விக்ரமின் டேவிட் படத்தில் ஜீவா

பிஜோய் நம்பியார் இயக்கி நடிகர் விக்ரம் நடிக்கும் டேவிட் படத்தில் நடிக்க ஜீவா ஒப்புக் கொண்டுள்ளார். இப்படம் ஒரே நேரத்தில் தமிழ், தெலுங்கு, ஹிந்தி ஆகிய மொழிகளில் தயாராகிறது.

மூன்று மொழிகளிலுமே விக்ரம்தான் கதாநாயகனாக நடிக்கிறார். ஜீவா, தமிழ், தெலுங்கு படங்களில் மட்டும் நடிப்பார் என்று ஒப்பந்தமாகியுள்ளது.

இது குறித்து ஜீவா தனது இணையப் பக்கத்தில், டேவிட் படத்தில் நடிக்க ஒப்புக் கொண்டுள்ளேன். நண்பன் படத்தைத் தொடர்ந்து மற்றொரு கதாநாயகனுடன் இணைந்து நடிக்க உள்ளேன் என்று குறிப்பிட்டுள்ளார்.

ஜீவா தற்போது முகமூடி மற்றும் நீதானே என் பொன்வசந்தம் ஆகிய படங்களில் நடித்து வருகிறார்.