ஷங்கரின் அடுத்த கதாநாயகன் யார்?

ஷங்கரின் அடுத்த கதாநாயகன் யார்? விக்ரமா சூர்யாவா என்று பட்டிமன்றமே வைக்கலாம் போல இருக்கிறது. அந்த அளவிற்கு கோலிவுட்டில் தற்போது பரபரப்பாக பேசப்படும் விஷயம் இதுதான்.

ஷங்கர் தான் அடுத்து எடுக்க உள்ள படத்திற்கு விக்ரமை ஒப்பந்தம் செய்துள்ளதாகவும், விக்ரம், தற்போது நடித்து வரும் தாண்டவம் படப்பிடிப்பு முடிந்த உடன் ஷங்கரின் படத்தில் நடிக்க உள்ளதாகவும் விக்ரமின் தரப்பு கூறியுள்ளது.

அதே சமயம், சூர்யாவிடமும் ஷங்கர் அலுவலகம் தொடர்பு கொண்டு பேசியுள்ளதாகவும், சூர்யா தற்போது நடித்து வரும் மாற்றான் படத்தை முடித்துவிட்டு அடுத்து ஷங்கர் படத்தில் நடிக்க வாய்ப்பிருப்பதாகவும், சூர்யாவின் மேலாளர் தெளிவாகக் கூறுகிறார்.

ஆனால் ஷங்கர் அடுத்து இயக்கப்போகும் படம், ஒன்றிற்கும் மேற்பட்ட கதாநாயகன்களை வைத்து எடுக்கும் படம் அல்ல என்றும் தெளிவாகக் கூறி நம்மைக் குழப்பிவிட்டனர்.

இப்போ சொல்லுங்கள் பட்டிமன்றம் வைக்கலாமா? வேண்டாமா?