மறைக்கப்பட்ட ஜோதிட ரகசியங்கள்

ஜோதிடக்கலை இந்தியாவில் தோன்றியது என்றும், இந்தியருக்கே உரிய பரம்பரைச் சொத்து என்றும் ஒரு தவறான கருத்து நிலவுகிறது. ஆனால், அது கிரேக்க நாட்டில் இருந்துதான் வந்தது என்று கூறும் ஆசிரியர், அதற்கு பல்வேறு சரித்திரச் சான்றுகளை அள்ளி வீசுகிறார்.

ஜோதிடத்தில் நுழைக்கப்பட்ட மூட நம்பிக்கைகள், கடவுள் கொள்கைகள், அதன் எழுச்சி, வீழ்ச்சி என்று அதில் மறைக்கப்பட்ட ஏராளமான ஜோதிட தொடர்பான ரகசியங்களை ஆதாரங்களுடன் கூறுகிறார்.

ஜோதிடம் சுமார் கி.மு. 4,000-ல் பாபிலோனியாவில் தோன்றி எந்த எந்த நாட்டில் எல்லாம் பரவியது, அது பரவும்போது ஏற்பட்ட பிரச்சினைகள் என்னென்ன? வளர்ந்து வந்த ஜோதிடம் எப்போது தடைபட்டது என்றெல்லாம் விளக்குகிறார். மொத்தத்தில் ஏராளமான சான்றுகள் கொண்ட ஒரு சிறந்த ஆய்வு நூல்.