விஷ்ணுவர்தனின் படத்தில் அஜீத்

மிகப்பெரிய வெற்றிப் படமான பில்லா படத்தைக் கொடுத்த விஷ்ணுவர்தன் - அஜீத் ஜோடி மீண்டும் இணைய உள்ளது. இந்த தகவல் அஜீத் தனது அடுத்தப் படத்தைப் பற்றிய அறிவிப்பினை வெளியிட்ட போது தெரிய வந்தது.

அஜீத் தனது அடுத்த படம் குறித்து கூறியதாவது, ஏ.எம். ரத்னம் தயாரிப்பில் விஷ்ணுவர்தன் இயக்கத்தில் அடுத்த படத்தில் நடிக்க உள்ளேன்.

இந்த படத்தை தீபாவளிக்கு வெளியிட திட்டமிட்டுள்ளோம். இப்படத்தில் ஆர்யாவும் நடிக்க உள்ளார். இது மங்காத்தா படம் போல அமையும். எனது வயதுக்கு ஏற்ற கதாப்பாத்திரமாகவும் இருக்கும் என்று கூறியுள்ளார் அஜீத்.

விஷ்ணுவர்தன் படத்தை முடித்துவிட்டு, விஜயா புரொடக்ஷன் தயாரிப்பில் சிறுத்தை படத்தை இயக்கிய சிவா இயக்கத்தில் நடிக்க உள்ளேன் என்றார்.