சிறுத்தை இயக்குனர் படத்தில் கிராமத்து கதாபாத்திரத்தில் அஜீத்

அஜீத் தன்னுடைய அடுத்தப் படத்தில் கிராமத்து கதாபாத்திரத்தில் நடிக்க உள்ளார்.

'வலை' படத்தை முடித்த கையோடு அஜீத் அடுத்ததாக சிறுத்தை இயக்குனர் சிவா படத்தில் நடிக்க வருகிறார். இதில் அஜீத்துக்கு ஜோடியாக தமன்னா நடிக்கிறார். தேவி ஸ்ரீ பிரசாத் இசையமைக்கிறார். இதன் படப்பிடிப்பு ஏப்ரல் முதல் வாரத்தில் ஹைதராபாத்தில் தொடங்கி நடைபெற இருக்கிறது.

அண்மையில் வெளியான அஜீத் படங்கள் யாவும் நகரத்தின் பின்னணியில் உருவாக்கப்பட்டிருந்தன. இந்த நிலையில் ஒரு மாறுதலுக்காக அஜீத் தன்னுடைய அடுத்தப் படத்தில் கிராமத்தை மையமாகக் கொண்டுள்ள கதை களத்தில் நடிக்க இருக்கிறார். இதற்காகவே படத்தின் திரைக்கதையை கிராமத்தின் பின்னணியில் அமைத்திருக்கிறார் இயக்குனர் சிவா.

அஜீத் இது போன்றதொரு கதாபாத்திரத்தில் நடிக்க வேண்டும் என்பது அவரது ரசிகர்களின் நீண்ட நாள் விருப்பம். இப்போது அவர்களின் விருப்பம் இந்தப் படத்தின் மூலம் நிறைவேறி இருப்பது குறிப்பிடத்தக்கது.