உடல் நலம் தேறி வருகிறார் நகுல்

நடிகர் நகுல், சமீபத்தில் தான் நடித்து வந்த நான் ராஜாவாகப் போகிறேன் என்ற படத்திற்கான சண்டைக் காட்சியில் மிக உயரத்தில் இருந்து குதித்த போது கால் உடைந்து சிகிச்சை பெற்று வந்தார். இதனால் இப்படத்தின் படப்பிடிப்பு தள்ளிப்போனது.

தற்போது முற்றிலும் குணமாகாத நிலையிலும், ஒரு சில எளிய காட்சிகளை படமாக்க நகுல் ஒப்புக் கொண்டுள்ளார்.

இப்படத்தை பிருத்வி ராஜ்குமார் இயக்க, நகுலுக்கு ஜோடியாக சாந்தினி, அவனி மோடி ஆகியோர் நடிக்கின்றனர். இப்படத்தில் மணிவண்ணன் முக்கிய கதாபாத்திரத்தில் நடிக்கிறார்.

நகுல் வல்லினம் என்ற படத்திலும் நடித்து வருகிறார். இப்படத்தை அறிவழகன் இயக்குகிறார்.