ஜிம்மில் தவம் கிடக்கும் பரத்

நமது காதல் கதாநாயகன் பரத்தை சில நாட்களாக பார்க்க முடியாமல் போய்விட்டது. அவரது மறுபிரவேசம் மிக நன்றாக அமைய வேண்டும் என்பதற்காக தற்போது கடினமாக உழைத்து வருகிறார் பரத்.

சசி இயக்கி வரும் 555 படம் ஆக்சன் படமாக அமைந்துள்ளதால், அதற்காக தனது உடலை கட்டுக்கோப்பாக உருவாக்கி வருகிறார் பரத்.

சசி தற்போது இயக்கி வரும் படம் நிச்சயம் எனக்கு ஒரு நல்ல திருப்புமுனையாக இருக்கும் என்று நம்புகிறேன். சசியின் கதை மிக அருமையானது. அவர் என்ன சொல்கிறாரோ அதைச் செய்வேன். தற்போது படத்தின் கதைக்கு 6 பேக்ஸ் தேவைப்படுகிறது. அதனால் ஜிம்மில் கடுமையாக உழைத்து வருகிறேன் என்கிறார்.

இப்படத்தில் பரத்திற்கு ஜோடியாக சாந்தினி நடிக்கிறார். இப்படத்திற்கான சில முக்கியக் காட்சிகள் மலேசியாவில் படம்பிடிக்கப்பட்டுள்ளது.