இன்று கார்த்தியின் பிறந்தநாள்

இதுவரை கார்த்தி நடித்திருப்பது ஒரு சில படங்கள்தான். ஆனால் அவை அனைத்துமே சூப்பர் டூப்பர் ஹிட். அந்த வகையில் வெற்றி நாயகன் என்று பெயரெடுத்துள்ள நம்ம பருத்திவீரனுக்கு இன்று பிறந்தநாள.

கார்த்தியின் பிறந்தநாளை முன்னிட்டு, அவரது ரசிகர்களுக்கு விருந்தளிக்கும் வகையில், கார்த்தி தற்போது நடித்து வரும் சகுனி படத்தின் 2 பாடல்கள் வெளியிடப்படுகிறது.

பருத்திவீரன், ஆயிரத்தில் ஒருவன், பையா, நான் மகான் அல்ல, சிறுத்தை ஆகிய 5 படங்களிலும் மாறுபட்ட வேடங்களில் நடித்துள்ள கார்த்தி, சகுனியிலும் புதிய கதாபாத்திரத்தில் நடிக்கிறார்.

மேலும், அலெக்ஸ் பாண்டியன், ஆல் இன் ஆல் அழகுராஜா ஆகிய படங்களில் சந்தானத்துடன் நடிக்க ஒப்பந்தம் செய்துள்ளார்.

இயல்பான நடிப்பினால் பல ரசிகர்களையும், குறிப்பாக ரசிகைகளையும் பெற்றுள்ள கார்த்திக்கு தினமணி.காம் மூலமாக பிறந்தநாள் வாழ்த்துக்களைக் கூறிக் கொள்ளலாம்.