இளவரசியாக நடிக்கிறார் ஷ்ரேயா

தமிழ் மற்றும் கன்னடத்தில் தயாராக உள்ள சந்திரா என்ற படத்தில் இளவரசியாக நடிக்கிறார் நடிகை ஷ்ரேயா. முந்தைய கால ராஜா காலத்து காதல் கதையை சினிமா படமாக எடுக்க திட்டமிட்டுள்ளார் இயக்குநர் ரூபா ஐயர்.

மகாராணி அம்மன்மணி சந்திராவதி என்ற கதாபாத்திரத்தில் அந்த காலத்தில் இளவரசிகளின் வீரத்தையும், மன தைரியத்தையும், அதே சமயத்தில் காதலையும் அழகாக சொல்லவிருக்கும் படம்தான் சந்திரா.

இது உண்மையில் நடந்த சரித்திரக் கதை என்றும், இளவரசிகளைப் பற்றி அதிக ஆராய்ச்சி செய்துள்ள ரூபா நாயர் இப்படத்தை எடுப்பது சிறப்பானது என்றும் கூறப்படுகிறது.

இப்படத்தில் ரம்யா கிருஷ்ணன், சுமித்ரா, கிரிஷ் கர்நாட் ஆகியோர் முக்கியக் கதாப்பாத்திரத்தில் நடிக்கின்றனர். இந்தியா மற்றும் அமெரிக்காவில் இதற்கான படப்பிடிப்புகள் நடைபெற உள்ளன.